Երևանի Ռաֆայել Իշխանյանի անվան հ.153 հիմնական դպրոց

Բարի գալուստ

Հունվարի 16th, 2017

«Ա » տառի շնորհանդեսը 1 բ դասարանում

Այսօր դպրոցում տեղի ունեցավ ՀՀ դպրոցականների շախմատի 13-րդ օլիմպիադայի ներդպրոցական փուլը: Մրցաշարին մասնակցեց 3-9-րդ դասարանների 40 աշակերտ: Համայնքային փուլին դպրոցի թիմը կներկայանա հետևյալ կազմով. Հովհաննիսյան Տիգրան/7 բ դաս./, Մայիլյան Մհեր/6 ա դաս./, Հովհաննիսյան Վանիկ /6 ա դաս./, Մխիթարյան Էմմա /5ա դաս./: 

<<ASML և գյուտարարները>> կազմակերպությունը Երևանի Ռաֆայել Իշխանյանի անվան հ. 153 հիմնական դպրոցին հրավիրում է մասնակցելու «Գյուտարարները և արևի անիվը» կրթական ծրագրին։

Հիմնադրամի նպատակն է երեխաներին տեղափոխել երևակայական աշխարհ, որտեղ նրանց նորարար լինելու մարտահրավեր է նետվում։

Ծրագրի մեթոդաբանությունը կատարելագործվում է 2005 թվականից։Նախագծում ներգրավվել են ավելի քան 100.000 մասնակիցներ աշխարհի 10 երկրներից։ Մեր դպրոցի մասնակիցները 5-7-դ դասարանների աշակերտներ են։

Ներկայացնում ենք հ.153 դպրոցի <<գյուտարարների>>աշխատանքները։

         

Յուրաքանչյուր տարիքային խումբ իր Թումանյանն ունի: Դպրոցի ճեմասրահում Թումանյանի գրքերը շրջան էին կազմել և ժամացույց դարձել` ցույց տալով Թումանյանի ապրած կյանքի ժամանակահատվածը իբրև օրինակ: Թումանյանի ծննդյան ժամացույցը ահազանգ է մարդուն, դպրոցականին, շրջանավարտին. մարդը իրեն վերապահված ժամանակը պետք է օգտագործի մարդկության ու բարության սայլակը մի քայլ առաջ տանելու համար:

Դպրոցի տնօրեն՝                               Ա.Սարգսյան

 

1ա դասարանը գրքի տոնին գրադարանին նվիրեց  <<Չիպոլինոյի արկածները>> գիրքը

1բ դասարանը դպրոցի գրադարանին նվիրեց <<Իմաստուն հեքիաթներ>> ժողովածուն

9-րդ դասարանցիները գրադարանին նվիրեցին Խալեդ Հոսեյնիի <<Oդապարուկ թռցնողը>> վեպը: Այս գիրքը պատմում է, թե ինչպես պետք է ապրել կյանքը, որ մեղքի զգացողությունը չդառնա մեր մշտական ուղեկիցը:

6բ դասարանի աշակերտները հրաշալի ներկայացրեցին  <<Մրցավազք Հռոմում>> ճանաչողական գիրքը, որը հնարավորություն կտա գործի դնել պատմական գիտելիքները՝ անցնելով ցնցող արկածներով լի ճանապարհ:

6ա դասարանը ներկայացրեց հրաշք նկարազարդումներով  <<Խորհրդավոր պարտեզ>> համաշխարհային դասական վեպը, որի հեղինակն է Ֆրենսիս Բրնեթը: Հուսով ենք այն կհետաքրքրի մեր աշակերտներին:

<<Հայոց բանակը 26 տարեկան է>>     26․01․2018

  Միջոցառումը հ․153 հիմնական դպրոցի հանդիսությունների սրահում էր։ Մեր փառապանծ բանակի կազմավորման հիմքում հ․153 դպրոցի նահատակ տղաներն են, որոնց հիշատակին էլ նվիրված էր այսօրվա ոգեկոչման միջոցառումը։

  Փա՛ռք և պատի՛վ նրանց՝ Վահագն Բարսեղյան, Լևոն Հովհաննիսյան, Ալեքսանդր Հովհաննիսյան։

  Փա՛ռք և պատի՛վ նրանց հերոսությունը ժառանգած այսօրվա աշակերտին, նրանց խանդավառող ուսուցչին, դաստիարակող ծնողին։

  Փա՛ռք և պատի՛վ նրանց՝ բանակի կազմավորման ակունքում կանգնած <<Հատուկ գունդ>> կամավորական խմբի անդամ, հ․153 դպրոցի զինվորական ղեկավար Ժիրայր Վարդանյանին։

  Միջոցառման ավարտին դպրոցի աշակերտները իրենց բարեմաղթանքներով ու շնորհավորանքներով նամակները փոխանցեցին Աջափնյակի <<Երկրապահ կամավորական միություն>>, որտեղից էլ մեկօրյա ժամկետում կհասնեն սահման։

        

 

 

 

 

  

Հին Նոր տարվա շնորհավորանքը օտար լեզուներով

Տարեմուտին շնորհավորանքների ու բարեմաղթանքների տարափ էր: Երգ ու պար, խինդ ու ծիծաղ կար նաև միջանցքներում, սակայն օտար լեզուների իմացության տեսանկյունից հետաքրքիր էր սույն մեթոդմիավորման որոշումը. հին Նոր տարին նշել դպրոցում դասավանդվող օտար լեզուներով՝ ռուսերեն, ֆրանսերեն, անգլերեն: Տոնը խթան է խոսքի, բառապաշարի հարստացման գործում: Նախաձեռնությունից գոհ էին ուսուցիչները և ծնողները:

 

 

Երևանի Ռաֆայել Իշխանյանի  անվան հ.153 հիմնական դպրոցը որդեգրել է կրթությունը ազգային ճանապարհով տանելու գաղափարը` հասկանալով, որ ազգային կրթությամբ կարող ենք պահել մեր երկիրը, ամրապնդել նրա պաշտպանությունը, ներկայանալ աշխարհին: Մենք գիտակցում ենք, որ հենց դպրոցն է այն օջախը, որի վրա է դրված հայրենիքը պահելու, զորացնելու ու պատասխանատվություն ստանձնելու առաքելությունը: Մեր զարգացման ծրագրում տեսնում ենք դպրոցը այս Ճանապարհով տանելու ուղղությունները` զուգահեռաբար առարկայացանկում կարևորելով «Հայոց պատմություն », «Հայրենագիտություն », «Գրականություն »

առարկաները: Գիտակցում ենք, որ լավ դասատվությունից դուրս կարևոր է սովորողի գեղագիտական դաստիարակությունը, որովհետև աշխարհին հայը ներկայանալու է իր մշակույթով: Եթե հարևանները հանգիստ են իրենց ընձեռված հնարավորություններով` ընդերք, ծով, աշխարհագրական նպաստավոր դիրք, մենք մեր պատմության կռվաններում կորցրել ենք դրանք և մեր ունեցած ներուժով պետք է կայանանք ու զորանանք ու հետ բերելու տեսլականով կրթենք աշակերտին: Ինչպես ցանկացած դպրոցում, այնպես էլ մեզ մոտ բազմապիսի ու բազմաբնույթ են միջոցառումները: Դրանք ինքնանպատակ չեն և ուղղորդված են ազգային հայրենասիական դաստիարակությանը, որին մասնակից են դառնում դպրոցի բոլոր ստրաբաժանումները: Դրանք դառնում են համադպրոցական` ներգրավելով մեթոդմիավորումներ, գեղարվեստաթատերական խմբակ, երգչախումբ, ինտելեկտուալ խմբակ, պատանի երկրապահներ, աշխորհուրդ` համապատասխան հանձնախմբերով: Մենք դպրոցի գործունեության հաջողությունը այս օղակների բովանդակային խորացման և ամրապնդման մեջ ենք տեսնում:

                                          Դպրոցի տնօրեն՝   Ա. Սարգսյան

 

Երևանի Ռաֆայել Իշխանյանի անվան հ.153 հիմնական դպրոց